Innocence (6)
Le loup et l’agneau (en mauricien)
Lou loup ek piti mouton
Présenté et interprété par Marie-Andrée FONTAINE (dans le rôle de « piti mouton » ) et par Christian FONTAINE (dans le rôle de « Loulou »)
Bè, bè, bè,
Ene zour bor la rivière
Ene ptit mouton tou sèl ti apé boir ène bon di lo bien frais
Fo bien li ène gran la soif pou li faire ça :
Na pa labitide piti mouton quitte son mama tout sèl.
De loin maman li apé crié : bè, bè, bè
Piti là tendait : li boire pli vite qui li capav.
Le temps li tiqui pou fini,
Li tend’ éne gros la voix dimoun en colère,
Li lève la tête, qui li trouvé ?
Ene espèce qualité gros li chien qui apé yam li ek ène mauvais vilain li zié,
Son la guèle grand ouvert, garni ek gros gros li dents pointe comma lé dent roquin
Son la langue coulèr di fé, sorti déhors comma la langue li chien qui gaingn soif
Mais na pas li chien ça : lou loup,
Encore ène loulou ventre plate
Plis li mangé, plis li faim.
Loulou guète piti mouton, li dire :
« Ah ça capav dire toué na d’toupet !
To permet toi vine Sali mon dilo
To pou gaingn to pinition ti fano ! »
Piti mouton fine saisi !
Ek son zoli ti figuir, li guète loulou
Ek son la voix bien tendre, un pé tremblé, pas vrai
Li répond loulou :
« Exquise moi di a ou ça grand missié,
Moi pas capav Sali ou di lo,
Ou ek moi apé boir éne bon distance :
Moi en bas ou là haut
Di lo descend, zamais li remonté. »
Loulou fine pli enragé.
« To répliqué ti fano, to fronté,
To faire to linstinct en moi,
Comma dire, éne grand dimoun na pas connaît qui li causé !
Ka mo dire : to Sali mo di lo, to Sali li, ti félone !
Mais ça na pas tout, et na éne lotre chose lor toi,
Mo tendre dire to causé éne mauvais causé pou moi l’année passée. »
« Mo dimande ou pardon, mon maître, Ca qui fine di a ou ça fin cause menti
L’année passée mo na pas ti encore né, mo encore tète di lait maman ! »
« si na pas toi, alors ton frère ! »
Moin na pas ène frère, moin sèl piti maman éna ! »
« Ab ben to papa, to maman
Jauge dans to famille, to descendant, parce que mo bien connait
Mo’n gaign renseignement, qui zot tout : mouton, gardien, li chien,
Zot passe zot lé temps aquize moi ene paquet méchancetés,
Zordi mo tire mo révanche :
Tant pis pou toi, to paye po zot tout.
Si to na pas conne la loi, ah ben écoutez :
Innocents payent pou les coupables.
Loulou saute lor piti mouton, trangle lé li
Souque li par son peau li cou,
Charrier li dans bois, manz li.
Di moun qui pli fort, li bisoin tout le temps gaingn raison ?