L'ané volkan la pa vnï abou koulé (2)

Publié le par Monique MERABET

II

In manièr fé son rantré

 

 

An promié paj lo lalmanak té i esplik, koman, dan toute péi, dann toute réjion, dan toute bann kaz, domoune té i prépar la fète Jourdlan, kèl manièr, zot té i souète la bonané l’inn a l’ot, kèl kalité (é kèl kantité !) bonmanjé zot té i fé kuir pou invite bann frèr, bann sër, bann kouzin jïska katrième dogré.

Dopï lo miyion lané Volkan té sou la tèr, lï lavé jamé majiné in flafla parèy. Andiré toute bann zabitan té i kroi Jourdlan sé in léspès roz na poin zépine, sé in paradi i sar rouv sï zot tète malgrék zot lé ankor vivan ; té konmsi zot té i vë tir in vië linj an guiyon toute rapiésé, pou zot anfil in joli ti rob la soi, in gayar kostïme velour i gliss sï la po an karès la dousër.

Konpèr Volkan la, sa té in boug lété paré pou gob ninportakèl kroyanse i pointe dovan son léspri. Alapa ke lï kalkïl Jourdlan la, sa in léspès lo roi, in léspès ti-Bondië lo minm akabi Saint-Expédit sinonsa in bondië malbar, antouka, in zafèr i vodrémië i marsh sanm ou pou anbar lo mové sor.

Osi, vitman, vitman, lï la résite inn ti konpliman pou lanprër Promié d-lan : in manièr poz in gob pou kap in paké la bénédiksion sanm la shanse.

 

Oté lané ki vien !

I di ke nï sar oir sak nï sar oir.

I di nora pï pou trakasé

Kank toué sar la, na sorte tïnèl fénoir.

 

Nora bonpë pétal flër roz

Pou nou fané sï lo bor shomin,

Lamour i sra dou i sra roz

Lo mièl i sar koul dann fangourin.

 

Granmèrkal braté èk Grandiab

I sar rouv lo bal sou in pié tamarin

Nora pï la mizèr, nora pï d-tangaj

Nou sar trouv lo jour i apèl domin.

 

Aprésa lï la fé pèt dë-troi ti fontène la lav pou fé rir lo sièl. La bibite ! Oué ! pou Jourdlan !

jar25.JPG

(Photo Monique)

II

Une manière de faire sa cour

 

 

 

Sur la première page de l’almanach, on expliquait comment, dans chaque pays, dans chaque région, dans chaque maison, se préparait la fête du Jour de l’An, de quelle manière les gens se souhaitaient la bonne année, quels festins gargantuesques réunissaient les frères, sœurs et cousins même lointains.

Depuis ses millions d’années d’existence sous terre, le volcan n’avait jamais imaginé quelque chose d’aussi formidable. On aurait dit que tous les habitants de la terre prenaient le Jour de l’An un peu pour une rose sans épine, un paradis qui s’ouvrirait pour eux, de leur vivant ; c’était comme s’ils voulaient se débarrasser de leurs vieilles hardes rapiécées afin de revêtir une jolie robe en soie ou un beau costume de velours qui caresseraient leur peau en douceur.

Compère Volcan était du genre à gober n’importe quelle croyance qui lui traverserait l’esprit. Ne voilà-t-il pas qu’il s’imagine ce Jour de l’An comme une sorte de roi voire de dieu, un sorte de Saint-Expédit ou de divinité hindouiste, en tout cas une entité qu’il vaut mieux avoir de son côté pour échapper à un malheureux sort.

Aussi, vite, vite, le volcan composa un petit compliment pour l’Empereur Premier de l’An, comme s’il posait un collet afin d’attraper un maximum de bénédictions et de chance.

 

Salut à toi, l’année qui vient !

Tu nous promets tant de merveilles

Quand tu seras là, plus de tintouin

On verra enfin le bout du tunnel.

 

Il y aura des tapis de fleurs roses

A répandre au bord des chemins

L’amour sera si douce chose

Le miel coulera du fangourin.

 

Granmèrkal et Grandiab, en vieux amis

Ouvriront le bal sous le tamarin

Plus jamais la misère, les conflits.

Pour nous, l’avenir chantera demain.

 

Ensuite, il fit jaillir deux ou trois fontaines de lave afin de réjouir le ciel. Hip ! Hip ! Hip ! Hourrah ! Pour l’An Nouveau !

 

Publié dans Faux départ

Pour être informé des derniers articles, inscrivez vous :
Commenter cet article