L'ané volkan la pa vnï abou koulé (9)
IX
Jïyé l’arivé
Konpèr Volkan la rouv son zië
Skousi, apène lo papang i pointe in zékli la zèl dann sièl, Konpèr Volkan i tonm sï lï konm la mizèr sï bann malërë (ou pou mië dir, konm in papang vorass sï lo kolé inn ti poul).
- Mon kamarade, mi prévien aou toutsuite, lo moi dérnié, ou la guingne kouyone amoin sanm out zanbrokal késtion « Akoz ?... Akoz ?... » Solman, moin, afors moin la fouiy dan mon sérvèl, moin la trouv lo boute èk toute lo kalité mistèr té i fé santié dan mon koko. Astër, lès amoin ésplik aou : dann toute son tournéviré dan léspass, la tèr i koss plïzoumoin prè nout papa solèy. Akoz saminm toute do moune i viv pa parèy ; kan in pë i dor in pë i lèv. É pou ahèv lo konte, moin mi di osi : kan in pë i ri, in pë i plër, kank in pë i travaye, in pë i tir zot flème, insidsuite…
Lo papang la larg in siflèt létonman :
- Tabouète ! Alala ke ou i bate la sianse jordui ! Andiré mi antan in kozman an prèsh, é an prèsh filozofi pou bien di.
- Ésèye pa anbarbouye mon léspri èk in taratass lo mo ou i arpèt konm péroké malgrèk ou i konpran pa inn pinte. Akoute amoin plito, Papang ! Mi koz sérië minm ! So moi-si, mi rogarde pa dovan, mi rogarde pa dérièr, mi sava SORTIR ! Mèt sa dan out koko félé ! É, parlfèt, vien pa rakonte amoin ke moin sé in lasasin akoz mi sar brïl dë-troi tiflër, dë-troi piédboi… toute fason, bann zabitan i rogarde minm pï, afors rès bouré dovan lo poss télé.
- La pa bezoin ou i guël konmsa ! Mon zorèy na poin bibass dodan. Alé fé sat i fé plézir aou. Solman moin mi di ke ou i dovré fé marsh in pë out jïjman é pran konsidérasion in bon kamarade konm moin ki oi dë-troi kanikrosh an pass mèt ponpié sï out shomin.
- Ah oui ! Koz aou mounoir ! Na lontan moin la pa fé ri mon boush.
- Dabor inn, sézon la koupe kane i sar komansé. Bann koupër, èk zot gran kouto (défoi la guingne batème, siouplé) i sar grouye konm vérblan in pë partou dann shan. Mi trouv zot na in lèr sovaj i fé monte kapkap sï moin. Lé a krinn ou i ramass in mové kou.
- Vomië ke mi antann sa, plïto ke moin lé sour. In mové kou ! Èk zot ti lame an férblan lé faye nèt, toute sak zot i pë fé, sé ébrèsh zot sabakane sï mon rosh. Si ou i vë mi arviz mon lidé alé bate karé, trouv in zafèr i pèz plïss kilo pou di.
- Bin… défoi osi, nana domoune malfondé i alïme do fë dann pay-kane. Kan lo bann flame i pran dan toute in karo, na poin pou dir, i fo ansov vitman.
- Do fë, astër ! Papang, out kozman lé pa rasi. Agarde amoin an plin mon troudkanèt. Foutor ! Do fë, lé riskab fé për amoin ? Akoz ou i rajoute pa inn-dë pétar, inn-dë fïzé, katorz Jïyé lé pa loin. Poudvré, nana lo jour out lang i bate antravèr.
Lo figuïr lo papang té i dékonpoz fïramezïr lo volkan té i kontre alï. Èl té i alonj, té i alonj konm la jelé goyavié i étal dann pla pou lès rofroidi.
- I… I pouré osi, bann sindika plantër, kamionër… é koméla nana pou ral lo kër, i anbar out shomin sanm bann traktër.
Asé vann la sann, Papang ! Si mi pik la pante sanm mon sharjman la brèz, na poin sharèt bef, na poin kamion, na poin traktër, na poin kashalo lé kapab mèt lariaj sï moin. Oté kamarade, sanm pou moin ou lé konm in shien pri dan in larozoir : dan out koko, na inn ti sokré ou i vë pa out dalon i koné. Sa la pa in bon manièr, sa, fé la kashotri rante bon zami konm nou. Alé, débal toute lo trikmardaj dann zorèy Tonton Volkan. Sinonsa, ou i pë kroir amoin, mi larg mon kor é mi rakonte pa ou kèl shoval shapé i sar déboul sï la tèr ! Ou minm ou nora intéré vol loin.
Poulkou, lo papang lété ki rès bèk anlèr. Lï la anval la krash, lï la rak son gorj avan ke lï la guingne di :
- Lé vré, vréman, Konpèr ! Ou minm lo shèf dovinër. Moin té ki vë pa annui aou sanm mon bann traka. Solman, moin noré bezoin ou i done amoin inn ti délé, dizon dë-troi somène.
- Ah ! Ou la déside nir rézonab. Alé, ashèv dévide out sak konfidanse. Poukoué ou la bezoin inn ti délé ?
- Ma rakonte aou tou lo roman dopï lo komansman. Figuïr aou, dopï lo moi d-Mé pasé, moin la rankonte inn ti papanguèt. Oté, Volkan ! Si ou té i voi koman èl lé joli ! Si ou té i oi son zië i briy konm grin létshi, son shevë lé noir osi, na rienk son dan…
- Hé ! Ou lé antrinn déroj nèt, la. Nou la fine ariv la fin dï monn, pouk bann zoizo i guingne lo dan ? Épï, lé pa bien, sa, kopié bann kamarade shantër, talër la Sasème i sar rod lo pou èk ou. Si ou lé pa an mezïr aranj inn ti konpliman par ou minm, férme out také. Bon ! Aparksa, mi konpran pa dïtou akoz i pë jène aou mi sar bate karé. Kan ou va ansov l’ot koté péi mi sar pa, amène lo ti zézère sanm ou.
- Jïstoman, Volkan, la, ou i pèz lo doi sï lo boubou i fé mal amoin. Sèk moin la pokor fé mon rantré épï lo papa i éme pa moin tro. Lï di mon plïme lé in pë tro gri. Akoz dann tan lontan, son famiy la frikote èk bann gro pijon blan, lï san pï alï é, parlfète, lï panse moin lé pa asé grozoizo pou son fiy. Nout dë Zézette - sa, son tinon gaté - nou lé blijé kashiète pou nou frékanté. Nou na labitïde done randévou loin, loin, Gran La-O, la foré Bébourg.
- Oté ! Lamour i rann pa zot fïté ! Ou lé antrinn fé la plaj Boucan èk in so la sab. Si lété moin, Papang, moin té i trap mon pë èk mon rès, moin té i souk mon fiansé é, a la vouèl ! Moin té i kit lo bopèr fé lo komandër son tousël.
- Lé plï konpliké ke sa, Volkan. Zézette la fine ponn dë joli ti zëf bien blan, bien ron…
- On… On ! Zot i pérde pa lo tan, mi oi.
- Bin ! Nï ème anou, vréman. Son moman i koné toute lo zistoir ; èl i fé kouv lo zëf dan inn grote sou in nénène shovsouri. Alor, nou, nï atann kan i sar klor. Kank lo pti i sora né, son papa i sra forsé fé maryié anou.
- Ou koné, Gramoune i di « Mariaj forsé, i dïr pa l’ané ». Mé, sa la pa mon zafèr. Moin, mi ème pa samèl bann zistoir la kaz domoune. Pou moin lé
bon ; Ma lès aou aranj out mariaj, out konvnanse. É ou i oublira pa nir monte amoin lo ti baba. Baya Papang ! Mi ri davanse kan mi majine aou an papa… i mèt lo koush, i fé shof bibron,
i bèrs lo pti bér pou fé arèt lo pti marmay fé yink-yink.
(image Flickr)
IX
Juillet arriva
Compère Volcan ouvrit les yeux
Cette fois-ci, à peine le papangue avait-il montré un infime bout d’aile dans le ciel, que Compère Volcan lui tomba sur le râble comme la misère sur le malheureux (ou pour mieux dire, comme un papangue vorace sur le collet d’un poulet).
- Mon camarade, je te préviens tout de suite. Le mois dernier tu as réussi à me berner avec ton manège de questions : « Pourquoi ?... Pourquoi ? » Seulement, moi, à force de me creuser la cervelle j’ai résolu tous ces mystères qui me trottaient sous le crâne. Maintenant, laisse-mi t’expliquer : en suivant sa trajectoire dans l’espace, notre terre passe plus ou moins près du soleil. C’est pour cette raison que tout le monde ne vit pas la même chose ; quand certains se couchent, d’autres se lèvent. Et pour compléter le tableau, moi je rajoute aussi : quand certains rient, d’autres pleurent, quand certains travaillent, d’autres paressent, et ainsi de suite…
Le papangue en siffla d’étonnement.
- Tabouret ! Tu es vraiment calé aujourd’hui ! On dirait que j’entends prêcher, philosopher, même.
- N’essaie pas de m’embrouiller l’esprit avec une kyrielle de mots que tu répètes sans comprendre comme un perroquet. Écoute-moi plutôt, Papangue ! Je suis sérieux, là. Ce mois-ci, je ne regarde ni devant, ni derrière, je vais SORTIR ! Mets-toi bien ça dans la tête ! Et, s’il te plaît, ne viens pas me raconter que je suis un assassin parce que je vais brûler quelques petites fleurs, quelques arbres que personne ne regarde même plus tellement ils sont scotchés devant leur télé.
- C’est pas la peine de gueuler aussi fort. Je n’ai pas du coton dans les oreilles. Fais donc ce qui te plaît. Seulement, je pense que tu devrais réfléchir un peu et prendre en considération l’avis d’un bon camarade qui entrevoit quelques embûches qui viendraient jouer aux pompiers sur ton chemin.
- Ah oui ! Dis-moi lesquelles, mon pote ! Il y a longtemps que je n’ai pas eu l’occasion de me payer une pinte de bon sang.
- Premièrement, la saison de la coupe de la canne à sucre a commencé. Les coupeurs, avec leurs grands couteaux (parfois bénis, s’il vous plaît !) vont grouiller comme des vers dans toute la campagne. Je leur trouve un air bien effrayant qui me fait frémir. Tu pourrais prendre un mauvais coup.
- Il vaut mieux entendre ça qu’être sourd ! Un mauvais coup, vraiment ! Avec leurs minables lames en fer-blanc, tout ce qu’ils peuvent arriver à faire, c’est d’ébrécher leurs sabres sur mes roches. Si tu veux que je revienne sur ma décision d’aller me promener, trouve quelque chose d’un peu plus consistant à dire.
- Ben… Parfois aussi, il y a des gens mal intentionnés qui allument des feux dans la paille. Quand les flammes embrasent tout un champ, il n’y a rien d’autre à faire qu’à se sauver rapidement.
- Le feu, maintenant ! Papangue, tu déraisonnes. Regarde-moi bien dans les yeux. Fichtre ! Le feu pourrait me flanquer la trouille ? Et pourquoi ne rajoutes-tu pas quelques pétards, quelques fusées… Le 14 Juillet n’est pas loin. Vraiment, il y a des jours où tu n’as pas la langue au milieu du bec.
- Le visage du papangue se décomposait au fur et à mesure que le volcan réduisait à néant ses arguments. Il s’allongeait, s’allongeait comme une cuillerée de gelée de goyavier étalée sur une assiette pour refroidir.
- Il… Il y a aussi les syndicats de planteurs, de camionneurs – et à notre époque les mécontents sont légion – qui pourraient barrer les routes avec leurs tracteurs.
- Arrête de dire des âneries, papangue ! Si je me mets à dévaler les pentes avec mon chargement de braises il n’y a ni charrette, ni camion, ni tracteur, ni même cachalot capable de me freiner. Holà camarade ! Tu me parais avoir le cul entre deux chaises. Tu as un secret que tu veux cacher à ton copain. C’est pas bien ça, de se faire des cachotteries entre vieux amis comme nous. Allez, déballe ce que tu as sur le cœur dans l’oreille de Tonton Volcan. Sinon, je peux te garantir que je ne me retiendrai pas et je ne te raconte pas quel troupeau de bêtes sauvages va vous tomber dessus… Même toi, tu auras intérêt à te sauver très très loin d’ici.
Le papangue en demeura comme deux ronds de flan. Il avala sa salive, se racla la gorge avant de pouvoir proférer :
- Oui, c’est vrai Compère ! Tu es le roi des devineurs. Je ne voulais pas t’ennuyer avec mes soucis. Mais j’aurais bien besoin que tu m’accordes un peu de temps, disons quelques semaines.
- Ah ! Tu te décides à devenir raisonnable ! Continue à vider ton sac de confidences. Pourquoi as-tu besoin d’un délai ?
- Je vais tout te raconter depuis le début. Figure-toi que depuis le mois de mai dernier, j’ai rencontré une papanguette. Ah ! Volcan, si tu voyais comme elle est jolie ! Si tu voyais ses yeux qui brillent comme des grains de letchis, ses cheveux sont noirs aussi, il n’y a que ses dents…
- Hé ! Là, tu perds complètement la boule. C’est la fin du monde ou quoi, que les oiseaux ont des dents ? Et puis, c’est vilain, ça, de plagier les chanteurs du coin… Bientôt, la SACEM va venir te chercher des poux dans les plumes. Si tu n’es pas capable de trousser un petit compliment par toi-même, n’ouvre pas le bec. Mais, bon ! Cela dit, je ne comprends pas du tout en quoi cela peut gêner tes affaires que j’aille faire un petit tour. Quand tu vas te sauver de l’autre côté du pays, tu n’as qu’à emmener ta chérie avec toi.
- Justement, Volcan, là, tu appuies où ça fait mal. C’est que nous ne sommes pas encore fiancés et son père ne m’apprécie pas beaucoup. Il trouve que mes plumes sont un peu trop grises. Sous prétexte qu’un de ses ancêtres a fricoté avec un gros pigeon blanc dans le temps, il estime que je ne suis pas assez reluisant pour sa fille. Zézette (c’est son petit nom) et moi, nous sommes forcés de nous voir en cachette. On se donne des rendez-vous loin, loin, loin d’ici, dans la forêt de Bébourg.
Hé bien ! L’amour ne vous rend pas intelligent ! Tu fais une montagne d’une taupinière. Si j’étais à ta place, papangue, je prendrais mes cliques et mes claques, j’attraperais ma fiancée et, Zou ! Je laisserai le beau-père faire son commandeur tout seul.
- C’est plus compliqué que ça, Volcan. Zézette a déjà pondu deux jolis petits œufs bien blancs, bien ronds…
- Ça alors ! Vous ne perdez pas de temps à ce que je vois.
- Ben ! Nous nous aimons pour de bon. La maman est au courant de toute l’histoire ; elle fait couver les œufs par une nourrice chauve-souris dans une grotte. Alors, on attend que les œufs éclosent. Quand les petits naîtront, le papa sera bien obligé de nous marier.
- Attention ! Tu sais, les anciens disent : « Mariage forcé ne dure pas l’année ». Mais ce n’est pas là mon affaire. Je n’aime pas me mêler de la vie des autres. Pour moi, c’est d’accord, je te laisse le temps d’arranger ton mariage à ta convenance. Et, tu n’oublieras pas de venir me montrer les bébés. Ah, là, là, papangue ! Je ris d’avance quand je t’imagine papa en train de langer, de préparer les biberons, de balancer le berceau pour empêcher les petits de couiner.