Sorciers jamais fini!
Sorciers jamais fini !
(Marie-Andrée FONTAINE
Moin mi appelle Wilfrid. Moin lé né coté Champ Borne, Belle Ombre zot i dit. Mon momon lé mort bonnhère. Mon papa té vié quand la gagne amoin. A li té mélangé Comore ek Malbar. La dit l’age un an, moin la gagne cheveu maillé. Ca, c’est un grand tracas pou tire ça. I faut aller au temple, fait un cérémonie poule noire. Zot i dit, avant ça moin té maladif, après moin la v’ni gaillard. Pas si gaillar que ça parce que depuis que moin té sa va l’école, mon pied té tout le temps rempli de bobos. Mon matante la dit papa : z’enfant là la marche si un saleté. A partir de là tout’ le band prêtres malbars, guérisseurs, tisanneurs lavé dans la région, toute la bande la fait un zaffaire su mon pied. Par ici la fait la prière un peu mélangé, par là la coupe la tête un cabri, là poule noir, fait z’offrandes, lave mon pied ensemb tisanne.
Personne la pas ni à bout trouve kosa moin lavé. Mon papa té i gagne pi ensemb moin. Temps en temps moin té tombe crise, sinon ça moin té cause langage.
Alors papa la fait un grand cérémonie. La amène amoin ensemb madame Visnelda loin là bas, disons un autre pays. Ca que mi rappelle, madame là la prend un grand croix Jésus Christ, la batte dessus moin deux ou trois fois, la pose question l’esprit mauvais en d’dans. La dit : Qui ça ou lé ? Sitarane ? Mme Desbassyns ? Après mi souviens pu.
Depuis l’heure-là, moin lé soulagé. Astèr, moin lé marié. Moin na trois p’tits garçons. Zot lé bien, mais là le dernier, son cheveu lé en train de mailler. Personne i doit pu touche son tête jusquà la cérémonie. Mi mette un monnaie sur le coté pou cérémonie là.
image Flickr
Ah! ça on peut le dire! avec les sorciers ce n'est jamais fini.
Voilà un article qui aurait dû paraître en Novembre 2009. Et depuis il n'arrête pas de jouer lou kashièt sur le web. Puisque j'ai réussi à remettre la main dessus, je préfère vous le livrer avant que... On ne sait jamais.
Monique.